Nýggjastu greinar
Viðkomandi greinar
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo




Talvudagur fyri Sunnudagsskúlan







Sunnudagin 22. september, sum er 17. sunnudag eftir trinitatis (tríeindardag), er talvudagur fyri Sunnudagsskúlan hjá Kirkjuligu Heimamissiónini

Sunnudagsskúlin virkar í nærum øllum bygdum í landinum. Umframt hetta hava eisini sunnudagsskúlar í Danmark við tilknýti til Heimamissiónina í Føroyum. Nógv eru børnini kring landið, sum trúliga møta upp viku eftir viku.

Kirkjuliga Heimamissiónin hevur familju- og barnaráðgeva í fulltíðarstarvi, hvørs uppgáva er at stuðla arbeiðinum og hjálpa sunnudagsskúlunum kring landið millum annað við frálærutilfari, ráðgeving og menning av sunnudagsskúlaleiðarunum.

Umframt sunnudagsskúlaarbeiðini kring landið eru fleiri summarlegur í Nesvík og aðrastaðni hvørt summar. Fleiri hundrað børn leita sær hvørt ár á legu, har tey eru til bíbliutímar, stuttleika sær úti og inni við at gera ítriv, spæla ítrótt, syngja og mangt mangt annað.

Arbeiðið hjá Sunnudagsskúlanum hjá Kirkjuligu Heimamissiónini verður fíggjað við gávum. Talvudagurin er tí ein góður fíggjarligur stuðul til stóra virksemið.

Sunnudagsskúlin takkar hjartaliga fyri vælvild frá kirkjuráðum og kirkjufólki og fyri gávuna, sum kemur inn.



Kelda: Tíðindaskriv

© Terji Dalsgaard - Sandoyarportalurin
Mest lisið