Hví ikki, at melda greitt út spyr Sniálvur

09-03-2010 10.13.00

Flotin verður heilt vist lagdur og menn fara til hús

Í sambandi við at Búskaparráðið við nærum leikmonnum hevur meldað út, at sjómannafrádrátturin og inntøkutrygdin eigur at avtakast skjótast gjørligt. – Eitt er vist, at vit sjómenn góðtaka ikki hesa hugsan, sum Búskaparráðið er komið við sigur Sniálvur Røvilsberg, sum er sjómaður og limur í Fiskidagaskipanini. Vit hoyrdu og hava hoyrt landsbankastjóran tosa um kreppu nú í fleiri ár har hann sigur eitt í dag og eitt heilt annað í morgin.

 

Álvaratos, tað vísir seg, at hesir slipsmennirnir als ikki hava skil uppá fiskivinnu, men teir lata sum um at teir hava gott skil.

 

-Verða fiskimenninir av við inntøkutrygdina og sjómannafrádráttin verður flotin lagdur í stundini og menn fara ikki umborð aftur á skipini. Hvør skal tá mæta slipsmonnunum í Havn sigur Sniálvur.

 

Eisini undrar tað okkum ikki sørt, sum starvast á sjónum - hví tann politiska skipanini ikki meldar heilt greitt út hvat teir vilja.

 

Longu nú fara í hópatali av føroyingum yvir til Norra at sigla og hví – jú, har er sjómannafrádrátturin á einum rímiligum støðið.

 

Tað besta var, at Búskaparráðið fekk møguleikan at manna ein línubát í Føroyum nakrar mánaðir – so fingu teir roynt seg og so vistu hvat teir tosa um.

 

Sniálvur Røvilsberg

© Terji Dalsgaard - Sandportalurin