Nýggjastu greinar
Viðkomandi greinar
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo




Kvinnurnar taptu fyri einum betri liði





Føroyska A-landsliðið við kvinnum tapti fyrra dystin á venjingarleguni í Íslandi. Úrslitið í Reykjaneshøllini gjørdist 5-0 til íslendsku vertirnar

- Tað er ongantíð í lagi at tapa, men í hesum føri var úrslitið ikki tað viktigasta. Vit fingu møguleikan at síggja, hvussu okkara leikarar eru fyri, og eisini sóu vit nakrar nýggjar leikarar royna seg á landsliðnum, sigur Jón Pauli Olsen, venjari.

Tíðliga í morgun (fríggjadag) setti føroyska liðið kós ímóti Keflavík, og longu klokkan fýra seinnapartin var fyrri venjingardysturin ímóti íslendska U19-landsliðnum á skránni.

Undan dystinum varð roknað við, at íslendsku kvinnurnar fóru at leggja stórt trýst á okkara, og soleiðis bleiv eisini. Úrslitið í Reykjaneshøllini gjørdist 5-0 til vertirnar, eftir 3-0 leiðslu í steðginum.

Støðið á íslendskum kvinnufótbólti er høgt. Á seinasta styrkislistanum hjá FIFA er Ísland nummar 20, meðan Føroyar eru nummar 84 av teimum 181 limalondunum í FIFA, sum hava skipaðan kvinnufótbólt.

Næsti dystur hjá føroyska liðnum á venjingarleguni í Íslandi verður sunudagin klokkan 18:00 á Akranesi.

© Sandportal - Sandoyarportalurin
Mest lisið