Nýggjastu greinar
Viðkomandi greinar
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo




Eli Hentze skal hjálpa U21





Tað verður sandoyingurin, Eli Hentze, ið verður hjálparvenjari hjá føroyska U21-landsliðnum. FSF og Eli Hentze hava gjørt avtalu, ið er galdandi næstu tvey árini

Í síðstu viku varð boðað frá, at Bill McLeod Jacobsen tekur við sum høvuðsvenjari hjá U21-landsliðnum, og nú er avtala gjørd við Eli Hentze, um at verða hjálparvenjari hjá U21-liðnum, skrivar fsf.fo

- Hetta verður ein spennandi og stór avbjóðing. Eg kenni fleiri av leikarunum, frá tíðini, tá teir hava verið partur av yngru landsliðunum. Men nú eru hesir blivnir vaksnir og meira búnir, og tískil eru onnur mál, ið nú skulu røkkast, sigur Eli Hentze, sum í fjør varð kosin ársins ungdómsvenjari av Venjarafelag Føroya.

Umframt at hava spælt á hægsta støði í føroyskum fótbólti, hevur Eli Hentze eisini verið sera virkin í barna- og ungdómsfótbólti, og hevur fryntligi sandoyingurin seinastu nógvu árini verið ímyndin av B71 og tí stóra arbeiðinum, ið Eli hevur lagt í barndómsfelagið á Sandi.

Men tað er ikki bara á sandoynni, at føroyskur fótbóltur hevur fingið ágóðan av venjaradygdunum hjá nýggja U21-hjálparvenjaranum. Eli Hentze hevur vant fleiri av U-landsliðunum, og hevur eisini verið ein av undangongumonnunum í leikaramenningini hjá gentum og dreingjum, sum FSF hevur skipað fyri í nøkur ár.

Undankappingin til EM 2017 fyri U21-landslið byrjar seinni í hesum árinum, og 5. februar verður lutakast í Nyon í Sveis, har finnast skal fram til, hvørjum londum Føroyar skal møta í komandi kapping.

Kelda: fsf.fo

© Sandportal - Sandoyarportalurin
Mest lisið