Minni av fiski fyrstu mánaðirnar í ár


24/03/2017

Tað er komið minni av fiski á land teir fyrstu tveir mánaðirnar í ár, skrivar Hagstovan. Ein av stóru orsøkum tað er tað ringa veðrið.   Hagstovan upplýsir at hesar báðar mánaðirnar eru 9.716 tons avreidd og tað eru 350 færri enn somu tíð í fjør   Eisini var afturgongd í prísi.   Sí annars heimasíðuna hjá Hagstovuni - har tú finnur hagtøl

Føroya Reiðarafelag: – Verandi rættindi í vanda


15/03/2017
Eftir at nýskipanaruppskotið varð sent til almenna hoyring hevur nógv kjak verið um, hvørja ávirkan uppskotið fær á rættindi og virksemi hjá verandi feløgum í fiskivinnuni.   Landsstýrið hevur víst á, at tey, sum hava sítt virksemið, ikki skulu skerja tað. Reiðarafelagið hevur hinvegin skilt uppskotið soleiðis, at við tíðini fer uppboðssøla av rættindum at merkja, at søgulig rættindi fara at minka. Í summum førum minka rættindini longu fyrsta árið og í øðrum førum við tíðini.   Í uppskotinum um nýggja skipan í fiskivinnuni stendur í grein 12 stk. 3, at fyri rættindi, sum eru boðin út, fylgir nøgdin lutfalsliga vøkstrinum og niðurskurðinum í heildarkvotuni, tó ongantíð uppum ta nøgd, sum fer upp um miðal seinastu 10 árini.   Sum Reiðarafelagið skilir hesa grein, skulu langtíðarrættindi seld á uppboðssølu fylgja lutfalsliga vøkstrinum og niðurskurðinum í heildarkvotunum. Hetta merkir, at tá kvoturnar minka, verður tikið burturav verandi rættindum, soleiðis at hesi við tíðini kunnu minka munandi.   Hetta fer sjálvsagt at ávirka verandi aktørar negativt, av tí at teirra rættindi við tíðini verða útholað av teimum seldu rættindunum. Tískil er ein systematisk niðurlaging av verandi rættindum innbygd í uppskotið hjá landsstýrinum. Hesa fatan hevur felagið eisini fingið staðfest í samskifti við Fiskimálaráðið.   Harafturat eru orðingarnar í lógaruppskotinum viðvíkjandi uppboðssølu so ógreiðar, at tær ikki geva eina greiða mynd av, hvussu skipanin fer at virka frameftir.   Náttúran í kvotum er, at tær sveiggja upp og niður. Tískil fara kvoturnar fyri botnfisk og pelagiskan fisk bæði at vaksa og at minka í komandi árum. Hetta fer eyðvitað at hava neilig árin bæði á søguligu rættindini hjá botnfiskaflotanum undir Føroyum og rættindini hjá uppsjóvarflotanum.   Dømi á síðu 70 í uppskotinum viðvíkjandi kvotum í Barentshavinum byggir undir hesa fatan. Dømið vísir greitt, hvussu rættindini hjá verandi aktørum minka í einum ávísum fiskiskapi fyrsta árið, tá lógin kemur í gildi. Í hesum føri fara góð 8.000 tons á uppboðssølu. Síðani minka rættindini hjá verandi aktørum eisini lutfalsliga, tá ið kvotan minkar.   Hvussu landsstýrismaðurin ítøkiliga fer at skipa uppboðssøluna, kunnu vit bert gita um, tí tað skal sum so mangt annað í hesi lógini gerast í kunngerð seinni.   Hetta er fatan Reiðarafelagsins, og um landsstýrið hevur eina aðra fatan av hesi grein í lógaruppskotinum, eiga tey at greiða nærri frá hesum.   Sent inn frá Føroya Reiðarafelag


Núpur selur 31 tons um uppboðssøluna


14/03/2017
Línuskipið úr Klaksvík, Núpur hevur í morgun selt um uppboðssøluna. Hann beyð 31.550 kg út fyri 354.520 krónur. Talan var um tosk, 7400 kg, Hýsu, 22900 kg og kongafisk. Núpur fekk ein meðalprís uppá 11,24 kr. kg.   Núpur hevur roynt undir Íslandi síðani 3.mars og landaði veiðuna í Klaksvík


Leys Størv
Hugrák
Onki hugrák er tøkt í løtuni.

Gás
Dunna
Fleskjasteik
Ræst
Annað

Skraset Vís úrslit


Ras 2

Lindin

Útvarp

Sjónvarp

Tingvarp





Billett.fo
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo

Rokast á Norðhavinum

Fyrrapartin hava útróðrarbátar, sum hava fiskað á Norðhavinum og avreitt á Eiði selt 41 tons um uppboðssøluna. Av hesu tonsum er 72.990 pund toskur og rest reyðsprøka og annað.   Tað verður neyvan nógv roynd í vikuni, tí veðrið verður óstøðugt.


Sjófeingi og ófrættakendir fótonglar

Nú eitt lógaruppskot um "fyrisiting av sjófeingi" er lagt fram aftan á tíggju ár, stingur ein keðiligur spurningur seg upp: hvat kann ætlanin vera við at noyða tær fremstu fyritøkurnar í fiskivinnuni at skerja sítt virksemi so munandi?   Nú er at spenna trygdarbeltið og ikki at vera fyri, tí oman av tindum er komið eitt ódefinerað nýyrði yvir Føroya land: sjófeingi. Í uppskoti til lóg um "fyrisiting av sjófeingi" vil onkur eftir øllum at døma leggja nýggjan sjógv millum vinnuliga og politiska stætt, og førka seg enn longur frá tí veruleika sum fólkið úti kring oyggjarnar livir undir.   Hetta er ikki ein greining av øllum uppskotinum men heldur ein fyribils viðmerking til ávísar partar av tí. Sjálvur málburðurin kundi bent á at her snýr tað seg ikki bara um at so ella so niðurminka ella fremmandgera fiskivinnuna, men eisini um at tyngja hana við nýggjum reguleringum og paragrafum og strammingum, hvør skal siga: her má eingin ivi vera um at tann ið vágar sær at fáast við fiskivinnu skal so sanniliga eisini fáa ríkiligt av extraordinerum krøvum við innbygdum hóttanum um avtøku av loyvum.   Vónandi verður bøtt um hetta undir teimum komandi tveimum-trimum vikunum meðan uppskotið er til hoyringar.   Málbrúkið er eitt. Sjálvt innihaldið er annað og meira, og har sker ymiskt í eyguni hjá teimum ið varða av og liva í vinnuni. Ikki nógv er at síggja til tað sum kom frá Nýskipanarnevndini — hvat so endamálið var við at seta ein tílíkan bólk av serfrøðingum. Hinvegin er tað løgna hugtakið við uppboðssølu av fiskirættindum hevjað upp til eitt megintema, har ymiskir prosentpartar av veiðini eftir ymiskum fiskasløgum skulu seljast via uppboð. Í stuttum er talan um sera umfatandi partar av veiðini, og ásetingarnar um hvussu nógv av hvørjum fiskaslagi ið skal á uppboðssølu tykjast heldur enn ikki fløktar; sambært metingar skulu heilt upp til eini 60% av verandi rættindum til at veiða sild seljast um alment uppboð.   At mótstøðan ímóti hesum uppboðssølu leisti alla tíðina hevur verið stór, serliga í vinnuni men eisini í samfelagnum yvirhøvur, tykist ikki at hava rinið við hjá teimum ið hava orðað uppskotið.   Samstundis er uppskotið, beint ímóti tilmælinum hjá Nýskipanarnevndini, væl stappað við orðingini "ogn Føroya fólks" hóast eingin enn heilt tykist hava skilt hennara neyva lógarliga týdning.   Miðsavning?   Men tað sum hevur sent ein skelk gjøgnum serliga uppsjóvarvinnuna, er ein nýggj anti-trust regla sum við garanti, um hon ikki verður broytt, illa kann annað enn innibera eina beinleiðis niðurlaging av teimum leiðandi fyritøkunum í fiskivinnuni. Tað er ringt at síggja endamálið við hesum, tá hugsað verður um hvussu lítið samfelag tað føroyska er og hvussu fjølbroytt og breið luttøkan í fiskivinnuni, herundir uppsjóvarvinnuni, í veruleikanum er, samanborið við onnur lond.   Les meira: http://www.fiskivinnan.com/2017/03/sjofeingi-og-ofrttakendir-fotonglar.html#more


KJ handar tvíkiljuna Slættanes til Luna

Kl 14 í dag bleiv tvíkiljan Slættanes handað alifelagnum Luna.   Slættanes er 13m long og 6m breið. Tvíkiljan hevur 2 framdriftsmotorar uppá hvør 425 Hk, og ein 70 KVA generator. Av deksútgerð kann nevnast ein radiostýrdur Palfinger 23 tons krani, ein hydrauliskur kapstanur uppá 6 tons og tveir uppá eitt tons.   Tvíkiljan er útgjørd við messu, WC, arbeiðs-/klædnarúmi og allari vanligar nautiskari útgerð.   Hettar er nýbygningur nr. 45 sum KJ hevur smíðja og nr 7 til Luna. Nýbygningarnir nr. 46, 47 og 48 eru kontraktaðir og farnir í framleiðslu. Nr 46, sum eisini er til Luna, verður handaður teimum í apríl mánaði. Síðani er ein til Bakkafrost og ein til Íslands.   Tvíkiljan Slættanes er gjørd í tøttum samstarvi við Luna, har serligur dentur er lagdur á gott arbeiðsumhvørvi. Hon skal vera góð og trygg at arbeiða við í øllum líkindum og nógv er gjørt fyri at fáa ljóðviðurskiftini so góð sum til ber.   Undirveitarar eru m.a.:   Kári Jóhannesen   Bátatænastan   PFJ EL   Contrive   Gummibátatænastan   Sámal í Jógvansstovu


Marine Harvest besta úrslit

Alifyritøkan Marine Harvest hevði besta úrslitið hjá smoltstøðum og alistøðum á sjónum í Føroyum í 2016, Tað skrivar kvf.fo   Tvey úrslit verða heiðrað. Besta úrslit hjá smoltstøðum verður avgjørt eftir lægsta byrjanarfellinum, tá smoltið er komið á sjógv.   Besta úrslit fyri alistøðir á sjónum verður avgjørt eftir einum effektivitetsindeksi, sum er grundað á vøkstur og fóðurnýtslu.   Lítið felli á Hellunum   Smoltstøðin hjá Marine Harvest á Hellunum hevði besta úrslit fyri smoltstøðir, og alistøðin hjá Marine Harvest í Haldórsvík hevði besta úrslitið fyri alistøðir á sjónum.   Fellið á smoltstøðini hjá Marine Harvest á Hellunum var 0,80 prosent. Hjá Bakkafrosti á Norðtoftum var fellið 4,04 prosent, og hjá Hiddenfjord á Fútakletti var tað 4,97 prosent.   Hjá alistøðini hjá Marine Harvest í Haldórsvík er indeksið 125,7 í fjør. Bakkafrost við Kunoyarnes hevði 117,2, Hiddenfjord í Vestmanna 117,1 og hjá Hiddenfjord í Sørvági var indeksið 112,4.   Hendan gamla myndin er av virkseminum hjá Marine Harvest á Sandi  Ikki er greitt um virksemið heldur fram á Sandsvág nú ongin laksur er meiri í ringunum.


Skørin selir fyri nærum milliónina um uppboðssøluna í dag.

Skørin landar á Toftum tíðliga í morgun og hevur selt 141.940 pund av línufiski sum teir hava fiskað undir Íslandi síðani 21.februar.   Veiðan varð boðin út fyrrapart fyri 920.281,- krónur   Talan er um tosk, hýsu, brosmu og annað   Skørin fekk ein meðalprís uppá 12,97 kr. kg.   Sí meiri á niðanfyri leinkju:   http://www.fmf.fo/reports/batur.asp?[AvrNr]=278825


Gott ár hjá BankNordik

2016 hilnaðist væl hjá BankNordik í fjør við nýggjum stjóra   Virksemið hjá BankNordik-samtakinum royndist væl í 2016. Hóast ódnirnar og nógvu tryggingarskaðarnar um jólini, samsvarar úrslitið við upprunaligu væntanirnar. Ársroknskapurin hjá samtakinum vísir eitt rakstrarúrslit á 179 mió. kr. áðrenn niðurskrivingar og 277 mió. kr. áðrenn skatt.   Í 2016 vóru tað serliga tvær hendingar, ið settu sín dám á virksemið hjá BankNordik. Sølan av íslendska tryggingarfelagnum Vørði varð endaliga framd, og avtøkan av danska vinnukundavirkseminum er nærum fullfíggjað.   Eftir broytingarnar er váðin, sum er knýttur at virksemi bankans, minkaður munandi, og BankNordik er í dag tískil eitt uppaftur tryggari fíggjarsamtak.   Ein partur av kapitallættanum, sum sølan av Vørði og avtøkan av danska vinnukundavirkseminum geva, verður brúktur til at gjalda íleggjarunum eitt serligt vinningsbýti. Samanlagt verða 300 mió. kr. goldnar í vinningsbýti. Av hesum fáa teir 6500 føroysku íleggjararnir sín part.   ”Vit eru væl nøgd við, at úrslitið er so mikið gott, hóast stóru og dýru tryggingarskaðarnir um jólini hava ávirkað roknskapin. Vit hava framt týðandi broytingar í farna ári, og tí standa vit í dag á enn tryggari grundarlagi enn fyri einum ári síðani. Samstundis sum vit gjalda íleggjarum okkara vinningsbýti, kunnu vit staðfesta, at fíggjarstøðan hjá samtakinum er styrkt munandi,” sigur Árni Ellefsen, forstjóri í BankNordik.   Í 2016 víðkaði BankNordik sítt virksemi í Føroyum, fleiri uppgávur vórðu miðsavnaðar og umleið 20 nýggj størv sett á stovn her á landi. BankNordik setti harumframt flest næmingar í danska ríkinum samanborið við restina av geiranum i 2016.   ”Umleið helvtin av samlaða úrslitinum stavar frá virksemi okkara í Danmark og Grønlandi, tað svarar til umleið 95 mió. kr. Av tí at ein stórur partur av føroyska starvsfólkahópinum loysir uppgávur fyri marknaðirnar uttanfyri   Føroyar, hevur útlendska virksemið eisini sera stóran týdning fyri føroyska virksemið og føroysku størvini. Umframt at gera tað møguligt hjá okkum at menna og varðveita servitan her í Føroyum, ger tað samstundis starvið hjá tí einstaka meiri fjøltáttað og avbjóðandi, tá ið uppgávurnar fevna um 3 ymiskar marknaðir,” sigur Árni Ellefsen.   Roknskapur bankans vísir, at rakstrarúrslitið í 2016 er á sama støði sum í 2015, og hetta metir bankin vera nøktandi, tá ið havt verður í huga, at 85% av danska vinnukundavirkseminum nú eru avtikin. Niðurskrivingarnar eru fáar í tali, og hetta er m.a. eitt úrslit av skynsama kredittpolitikki bankans. Í   Føroyum hava nógvu sethúsasølurnar og høgu prísirnir sett sín dám á P/F BankNordik   Ársroknskapurin 2016 í stuttum   - Rakstrarúrslitið áðrenn niðurskrivingar í 2016 er 179 mió. kr. samanborið við 214 mió. kr. í 2015.   - Í 2016 førdi bankin aftur niðurskrivingar fyri 12 mió. kr. samanborið við niðurskrivingar fyri 20 mió. kr. í 2015.   - Útlán bankans eru lækkað við 1,5 mia. kr. samanborið við 2015.   Hetta serliga tí at donsk útlán til vinnukundar eru avtikin í 2016.   - Innlán bankans eru lækkað við 48 mió. kr. samanborið við 2015.   - Veruligi kjarnukapitalur bankans er hækkaður úr 13,9% í 2015 til   16%. - Solvensur bankans er 18,3% samanborið við 16,8% í 2015.   - Leiðslan væntar, at rakstrarúrslitið fyri 2017 verður 150-190 mió. kr.   áðrenn niðurskrivingar .


SMS Kapping
row6_18

Ongin vinningur skrásettur í løtuni

Sølulysingar



Onnur tíðindi

1 2 3 4 5 6 7 8 9 10 11 12 13
Sí fleiri

Vinnan

1 2 3 4 5 6 7 8
Sí fleiri

Politikkur

1 2 3 4 5 6 7
Sí fleiri