Tað sum vendir niður vendir upp;


27/03/2017

Tað er í 11´inda tíma, at almenn arbeiðspláss nú verða flutt út um landið. Tað hevur ongantíð áður verið so hastandi sum beint nú. Tað er bráneyðugt, um Føroyar sum land og ikki bara Havnin skal hava lív laga.   Fyri at viga upp móti missinum av øllum arbeiðsplássunum í fiskivinnuni, mugu 100-tals onnur arbeiðspláss skapast í Klaksvík. So fleiri almenn arbeiðspláss verður heilt avgjørt eitt krav. Um vit skulu hava økiskvotur í fiskivinnuni, so skulu vit hava økiskvotur aðrastaðni eisini.   Nú samgongan við Høgna Hoydal á odda, vil hava nýggja fiskivinnuuppskotið ígjøgnum, rakar hetta økið uttanfyri Havnina so hart sum ongantíð áður. Fiskivinnuuppskotið rakar motorarnar, lokomotivið í samfelagnum.   Bara fyri Klaksvíkina vil fiskivinnuuppskotið merkja ovurhonds stórt arbeiðsloysi. So stórt arbeiðsloysi, sum vit allarhelst ongantíð áður hava sæð.   Stjórin í JFK hevur verið úti og rópt varskó. Hetta var ikki ein hóttan, men ein staðfesting av veruleikanum. Um Kósin steingir, vil hetta merkja hundraðtals mist arbeiðspláss. Her eru sjálvandi allar hýrurnar eisini roknaðar við.   P/f Hvalnes, fer frá 90 arbeiðsplássum niður á 20-30 arbeiðspláss.   Hetta bara fyri at taka tvey tey størstu reiðaríðini , sum eru í Norðoyggjum.   Fyri Klaksvíkar kommunu merkir hetta milliónavís færri krónur í kommunukassan.   Arbeiðsfeløg rópa eisini varskó.   Motorarnir í samfelagnum.   Slagorðið er, at reiðarnir, eru blivnir so mikið stórir og sterkir, at teir eru ein vandi fyri fólkaræðið. Hevði ikki ímynda mær, at nakar kundi koma sær at siga ella skriva slíkt um okkara røsku vinnulívsfólk. Hesi sum eru motorarnir, lokomotivið í samfelagnum og sum skapa ovurhonds stór virðir til okkara samfelag og harðan valuta til landið. Øll vita, at um vinnulívid í Nordurøkinum hevur tad gott, ja so hevur samfelagid tað gott.   Samstundis, sum tá tað kemur til Havnina, so er onki meira natúrligt enn, at vit skulu hava EITT Campus, har øll tey lesandi skulu hava EITT umhvørvið.   Landssjúkrahúsið byggjast út fyri fleiri hundratals milliónir. EIN leiðsla, alt stýrast frá EINUM staðið

Landssjúkrahúsið fær bæði endurvenjingar-hyl og goymslu.


24/03/2017
Í nógv ár hevur tørvur verið á at byggja landssjúkrahúsið út, og serliga hava umstøðurnar á psykiatriska deplinum verið so ótíðarhóskandi, at tað er bráðneyðugt at bøta um hesar. Tí er tað gott, at breið politisk semja er um at byggja H-bygningin nú. Vit byggja ikki sjúkrahús á hvørjum degi. Tað er tí umráðandi at byggja rætt og skynsamt, tá ið bygt verður.   Men tað er ikki skynsamt at spara kjallaran undir tí nýggja H-bygninginum burtur. Og tað verður nógv dýrari í longdini.   Tað er heldur ikki skynsamt, at landssjúkrahúsið ikki kann veita endurvenjing í endurvenjingar hyli. Tað er eitt bráðneyðugt amboð í allari endurvenjing av sjúklingum.   Kjallarin skal sjálvsagt gerast nú, og hann skal brúkast til framkomna goymslu, sum føðir alt tað fjølbroytta virkseminum á øllum Landssjúkrahúsinum. At hava goymslu omanfyri vegin er bæði ótíðarhóskandi, ópraktiskt og dýrt í rakstri.   Tað er tí gleðiligt, at vit í fíggjarnevndini hava fingið semju um, at grava kjallaran út, og ikki minst at vit hava fingið semju um at umvæla endurvenjingarhylin.   Og tað er grundgevingin fyri at ein samd fíggjarnevnd hevur skotið upp fyri Løgtinginum at hækka karmin at byggja Landssjúkrahúsið út við 19,2 milliónum.   Seinast vit bygdu út á Landssjúkrahúsinum helt bæði kostnaðarætlan og tíðarætlan   Seinast vit bygdu út á Landssjúkrahúsinum var í 2000, tá ið farið var undir G-bygningin.   Sum landsstýriskvinna í heilsumálum tá, legði eg stóran dent á at fyrireika verkætlanina væl.   G-bygningurin kostaði 156 milliónir, og varð tikin í nýtslu í 2004. Hetta byggjaríið megnaði at halda bæði tíðarætlan og kostnaðarætlan. Og tað ivist eg ikki í, at vit megna at endurtaka. Tí henda verkætlan er eisini væl fyrireikað.   Nú skriva vit 2017, og tað er neyðugt at byggja H-bygningin á Landssjúkrahúsinum nú. H-bygningurin verður umleið 8.650 fermetrar til støddar, og skal rúma psykiatriskum depli, medisinskum seingjarstovum, føðideild, nýggjum køki og kantinu – og nú eisini kjallara og umvældum endurvenjingarhyli.   Helena Dam á Neystabø, løgtingskvinna og limur í fíggjarnevndini.


Banna vørur við mikroplasti


23/03/2017
Unga Tjóðveldi reisir uppskot fram á Flokstinginum um vikuskiftið:   -  At flokstingið samtykkir, at vit í Føroyum banna allari sølu av vørum við mikroplasti í.   Viðmerkingar:   Tú sært tað í tannkremi og shampoo, tú finnir tað í máling, skrubbikremi og sminku. Talan er um mikroplast, og tað finst í eini stødd einans 0,001 mm og er so smátt, at reinsianlegg sálda tað frá, og tí endar tað í havinum.   Av hesi orsøk finna vit mikroplast í bæði plantu- og djóra æti, fugli, fiski, hvali og fyrr ella seinni endar tað í okkum sum menniskjaføði.   Munur er settur millum mikro- og makro plastik, og markið er 5 mm. Alt plastik undir 5 mm verður mett sum mikroplastik.   Mikroplastik verður deilt í tveir bólkar: primert og sekundert mikroplast.   Primera mikroplastikkið er framleitt til eina stødd á 5mm ella undir. Hetta finna vit t.d. í tannkremi og shampoo. Sekundera mikroplastið er tað sum kemur við slitið av vørum við plasti í. Herundir bildekk, ávísir borðlappar og klæðir úr. Í fylgjandi uppskoti er talan um banning av primerum mikroplasti.   Trupulleikin við plasti í náttúruni gerst bert størri, og tí mugu stig takast alt fyri eitt. Tey næstu tíggju árini fara vit at nýta eins nógv plast, sum varð nýtt tey síðstu 60 árini.1 Nøgdin av plasti, sum endar í høvunum, er ovurstór og svarar til ein fullar skrellibil hvønn minutt. Koyra vit við sama lagið, verður mett at í 2050 verður meir plast enn fiskur í heimshøvunum.   2   Vit skulu banna allar vørur við mikroplasti í, og á henda hátt minka vit um umhvørvisdálkingina. Avstralia og ES arbeiði við einum tílíkum uppskotið, og vit mæla til, at vit taka somu stig sum USA og Stóra Bretland hava tikið – at banna mikroplasti. Føroyar skulu ikki vera eftirbátur á hesum øki, men vit mugu taka við altjóða ábyrgdini at halda umhvørvið reint, og hetta er eitt stig á vegnum.   Vegna Unga Tjóðveldið


Leys Størv
Hugrák
Onki hugrák er tøkt í løtuni.

Gás
Dunna
Fleskjasteik
Ræst
Annað

Skraset Vís úrslit


Ras 2

Lindin

Útvarp

Sjónvarp

Tingvarp





Billett.fo
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo

Stuðul til vinnukavarar

Á tingfundi 19. januar 2017 boðaði løgtingsformaðurin frá  fyrispurningi, settur av Óluvu Klettskarð til Hendrik Old, landsstýrismann   1. Hvussu verður kavaraskúling skipað í Føroyum í dag?   2. Hvør er tørvurin á at menna kavaraskúling og kavaravinnuna, metir landsstýrismaðurin?   3. Hevur landsstýrismaðurin ætlanir um nakra skipan at førleikamenna føroysku kavaravinnuna, so tørvurin kann nøktast og trygdin framhaldandi vera í hásæti?   4. Føroyar bjóða seg fram sum ein maritimur tænastudepil í Norðuratlantshavi. Í hvønn mun sær landsstýrismaðurin møguleikan, at kavaravinnan kann gerast partur av hesi ætlan?   Viðmerkingar:   Føroyski vinnukavaraskúlin er í dag tann norðasti í heiminum og hevur góðkenning at veita frálæru innan vinnukaving sambært kunngerð nr.103 frá 6. august 2009 um kavaraskúlar, kavaraskeið og góðkenda kavaraútbúgving.   Síðani á várið 2010 hevur føroyski vinnukavaraskúlin arbeitt við at útbúgva føroyskar vinnukavarar eftir altjóða leisti. Hetta arbeiðið hevur gingið væl. Bæði vinnan sum heild og kavaraskúlin hava ment seg sera nógv, síðan lógin um kavaravinnu kom í 2007 og tilhoyrandi kunngerðir í 2009. Í dag arbeiða næmingar frá kavaraskúlanum innan alivinnuna, byggivinnuna, eftirlitsvinnuna, gransking o.s.fr. Eisini hava næmingar frá føroyska vinnukavaraskúlanum arbeitt sum kavarar í øðrum londum, eitt nú í Grønlandi, Danmark og Noregi.   Føroyska vinnukavingin er nógv ment, og føroyska kavaravinnan kann mennast upp aftur meira. Sagt verður, at í dag eru munandi færri viðgerðir á Landssjúkrahúsinum í sambandi við kavara­sjúku, samanborið við, áðrenn skipaði kavaraskúlin byrjaði virksemi sítt.   Flestu næmingarnir útbúgva seg tíverri einans til SCUBA kavarar t.v.s. kavarar, ið hava luft við sær í trýstfløskum á rygginum. Hesir kavararnir hava loyvi at arbeiða við hondamboðum niður á 30 metra dýpi. Vinnan førir fram, at har ynskja tey fleiri, ið eisini hava útbúgving sum slangukavarar. Ein slangukavari hevur loyvi at arbeiða niður á 50 metra dýpi. Hesin kavarin kann fáa luftveiting úr landi ella øðrum staði omanfyri vatnskorpuna og kann arbeiða við amboðum, ið eisini fáa orku­veiting haðani, t.d. sveisa, skera, slípa, brenna, hátrýstspula o.a. Eisini verður ein slangukavara­næmingur undirvístur í at brúka ein trýsttanga bæði í sambandi við trýstlætting og viðgerð. Ein slangukavari hevur tí betri arbeiðsførleikar og fakkunnleika eftir at hava staðið prógv sítt, saman­borið við ein SCUBA kavara. Harvið hevur slangukavarin eisini góðar førleikar at skipa arbeiði sítt á ein so tryggan hátt sum gjørligt.   Tað hevur tíverri víst seg, at í fleiri førum hevur tørvurin hjá vinnuni yvirhálað arbeiðsførleikarnar hjá kavarunum, og tí kann hetta viðføra eina ávísa ótrygd, og kavarar kunnu tískil verða freistaðir at fara út um tað, ið teirra vinnubræv loyvir.   Í Føroyum er ókeypis almenn útbúgvingarskipan. Fyri slangukavarar er kostnaðurin høgur. Ynskiligt er, at kostnaðurin fyri at útbúgva kavarar verður býttur millum næmingin og landið. Næmingarnir kundu rindað helmingin/triðingin sjálvir, og landið stuðlað við restini av skeiðs­kostnaðinum.   Samlaði kostnaðurin fyri at útbúgva ein slangukavara er áleið 95.000 kr. Samanborið við kostnaðin fyri aðrar útbúgvingar her heima, er hesin kostnaðurin lutfalsliga lágur. Um ein líknandi skipan varð gjørd her heima, so hevði hon hjálpt og eggjað teimum, ið longu hava gjørt eina stóra íløgu í at útbúgva seg til SCUBA kavara, at eftirútbúgva seg víðari til slangukavara. Umleið 10-15 kavarar kunnu eftirútbúgva seg um árið á Vinnukavaraskúlanum.   Ein slík skipan hevði styrkt førleikarnar og vitanarstøðið hjá starvsfólkunum á kavaraskúlanum, og samstundis kundu vit í nógv størri mun bjóðað okkum fram, so fremmandir kavar runt um í heiminum kundu komið heim á klettarnar at útbúgvið seg innan vinnukaving. Vit hava serliga og stórbæra náttúru at bjóða fram. Og hetta hevði eisini ment førleikastøðið hjá vinnuni, serliga í sambandi við stóra arbeiðið, ið er í gongd at bjóða Føroyar fram sum ein maritiman tænastudepil í Norðuratlantshavi.   Á tingfundi 7. februar 2017 varð uttan atkvøðugreiðslu samtykt, at fyrispurningurin skal svarast.       Á tingfundi 2. mars 2017 svaraði Henrik Old, landsstýrismaður, fyrispurninginum soleiðis:   Til spurning 1   Vinnuligt kavaravirksemi er skipað sambært løgtingslóg nr. 46 frá 15. mai 2007 um kavaravinnu og kavaraútgerð og tilhoyrandi kunngerðum.   Útbúgving sum vinnukavari til eitt hvørt endamál, harundir vinnukavarahjálparfólk, kann verða fingin á kavaraskúla ella á kavaraskeiði, sum er góðkent av Próvtøkunevndini fyri kavaravinnu.   Próvtøkunevndin skipar fyri próvtøkunum, harundir kavararoyndum, og skrivar próvtøkuskjalið. Próvtøkunevndin kann til próvtøkur og kavararoyndir nýta próvdómara, sum ikki er limur í próvtøkunevndini. Próvtøkunevndin er eisini góðkenningarnevnd, sum skal góðkenna kavaraskúlar og kavaraskeið.   Innihaldið í frálæruni á føroyskum kavaraskúla er ásett í kunngerð nr. 103 frá 2009 um kavaraskúlar, kavaraskeið og góðkenda kavaraútbúgving.   Fyri at fáa bræv sum vinnukavari, skal umsøkjarin prógva, at hann hevur neyðuga útbúgving, er fyltur 18 ár og hevur nøktandi heilsustøðu. Arbeiðseftirlitið útskrivar vinnukavarabræv.   Fyri at útskriva vinnukavarabrævið, rindar vinnukavarin gjald til Arbeiðseftirlitið sbrt. § 2 í kunngerð nr. 105 frá 6. august 2009 um gjøld fyri ymsar uppgávur í sambandi við vinnuliga kaving   Vinnukavarin rindar somuleiðis gjald fyri eftirlit sbrt. § 27, stk. 2 í kunngerð nr. 103 frá 6. august 2009 við seinni broytingum, um kavaraskúlar, kavaraskeið og góðkenda kavaraútbúgving.   Fyri luttøku á sjálvum kavaraskeiðinum, sum fer fram á kavaraskúla ella kavaraskeiði, rindar kavarin sjálvur.   Tað almenna ber ongan kostnað fyri eina kavaraútbúgving.   Til spurning 2   Kavaraskúling í Føroyum er á einum fakligum og altjóða høgum støði. Tað er metingin hjá landsstýrismanninum, at verandi lóggáva viðvíkjandi vinnukaving er nøktandi. Sambært Arbeiðseftirlitinum er talið á vinnukavarum, ið hava tørv á viðgerð í sambandi við kavarasjúku, fallið munandi, síðan verandi lóg kom í gildi. Hetta vísir, at verandi lóggáva í sambandi við vinnukaving hevur og hevur havt ein gagnligan virknað.   Samferðslumálaráðið og Arbeiðseftirlitið hava avtalað, at ein eftirmeting skal gerast av lóggávuni, sum nú hevur nøkur ár á baki, fyri at vita, um tørvur er á tillagingum, dagføringum ella líknandi. Eftirmetingin er klár seinni í vár.   Verandi lóggáva hevur heimild fyri góðkenning av fleiri ymiskum útbúgvingum enn teimum, sum eru góðkendar í verandi løtu. Hetta er tó altíð ein spurningur um, hvørt veitarin av útbúgvingini hevur neyðugan førleika og neyðuga útgerð.   Menning av kavaraskúling, t.d. at útbúgva slangukavarar, er ein spurningur um tørvin hjá vinnuni og kavaraskúlan, ið veitir útbúgvingina.   Til spurning 3   Vísandi til svarið til spurning nr. 2 hevur landsstýrismaðurin ikki ítøkiliga umrøtt spurningin um at fyriskipa førleikamenning av føroysku kavaravinnuni.   Landsstýrismaðurin hevur fingið bræv frá einum vinnukavaraskúla við uppskoti um at stuðla hesum skúla við atliti til at eftirútbúgva føroyskar vinnukavarar.   Uppskotið fevnir um, at vinnukavarar, umframt at útbúgva seg til SCUBA kavarar, tvs. kavarar, ið hava luft við sær í trýstfløskum á rygginum og kunnu fara niður á 30 metra dýpið, eisini kunnu taka útbúgving sum slangukavari, sum gevur loyvi at arbeiða niður á 50 metra dýpi.   Til spurning 4   Føroyar hava drúgva siðvenju sum siglandi tjóð. Í galdandi lóggávu um kavaraskúlar, kavaraskeið og góðkenda kavaraútbúgving eru ongar forðingar fyri, at kavaravinnan kann mennast til ein týðandi part av einum slíkum tænastudepli. Í mun til galdandi lóggávur eru ónýttir møguleikar fyri, at enn fleir útbúgvingar kunnu setast á stovn í Føroyum. Dømi um hetta er útbúgving at kava við luftveiting frá landi, sonevnd “slangukaving”. Fyri at myndugleikin kann góðkenna slíka útbúgving er tó neyðugt, at møguligu útbúgvingarstøðini gera neyðugar íløgur í útgerð og vitan.   Málið avgreitt


Reisigildi í dag

Nú røkist fyri dupulthøllini á Hálsi.   Eitt av málunum, sum vit í undanfarnu býráðssamgongu í Tórshavnar Kommunu arbeiddu fyri, var at bøta um hallarviðurskiftini. Tað hevur í nógv ár verið ein av størstu trupulleikum hjá øllum ítróttarfeløgum í Havn, at venjingarumstøðurnar hava verið so avmarkaðar. Tað hevur eisini verið ein avbjóðing at hýsa stórum altjóða ítróttartiltøkum og kappingum.   Ítróttarfeløgini í Havn – og í Føroyum yvirhøvur – gera eitt ótrúligt arbeiði hvønn dag, til frama fyri ungdóm, trivnað og fólkaheilsu. Hugsi ikki at vit dag og dagliga geva okkum nóg nógv far um, hvussu stóran samfelagsligan týdning alt hetta í høvuðsheitum sjálvbodna arbeiðið hevur.   Nú fólkatalið veksur í Havn við rúkandi ferð, so er avbjóðingin at hýsa ítróttinum vorðin enn størri.   So tað er ein stórir dagur, at tað nú verður reist á Hálsi, og at vit fyri einum mánaði síðani høvdu reisigildi fyri ítróttarhøll úti á Argjum. Ikki minst at vaksandi ítróttargreinar, sum Borðtennis og Judo nú eisini fáa tíðarhóskandi venjingarumstøður. Og eini hundrað parkeringspláss á Hálsi er eisini ein stórur bati – eisini fyri býin.   Høllin á Argjum verður liðug, til skúlaársbyrjan í 2017 og Høllin á Hálsi verður liðug um ársskiftið.   Føroyar á heimskortið   Vit fegnast dagliga um, at okkara lið og einstaklingar klára seg so væl í altjóða ítróttarkappingum. Og alsamt oftari stendur tað Føroyum í boði at skipa fyri altjóða kappingum. Ein einastandandi menning. Men tað hevur verið trupult at hýsa øllum teimum tiltøkum, sum kundu verið.   Hesar útbyggingar á Hálsi og á Argjum lata upp fyri einum hópi av møguleikum hjá fleiri ymiskum ítróttargreinum. Nú fer tað at bera til at hava stóra fjøld av áskoðarum til serstøk tiltøk og dystir í Havn. Upp móti 1800 áskoðarar fáa verið til stórdystir, tá verkætlanin er liðug.   Ikki minst kunnu vit fegnast um, at verkætlanirnar ganga væl, og tykjast at kunna fremjast innan tann fíggjarkarm, sum vit settu av til endamálini.   Helena Dam á Neystabø, býráðslimur.


Fólkafloksfelagið aðalfund í kvøld

Sandoyar Fólkafloksfelag heldur aðalfund í Virkinum í kvøld.   Felagið fær vitjan av Jørgin Nicalsen, formanni og Jacob Vesturgaard. Eisini verður Brandur Sandoy við á fundinum   Tað er onki at ivast í at tosa og kjakast verður nógv um fiskivinnunýskipanina, ið ætlanin er at fremja   Høvi verður at seta spurningar á fundinum


Eru útrokningarnar rættar hjá M/S Ågot

Elsebeth Mercedis Gunnleygsdóttur   løgtingsmaður   Munnligur fyrispurningur   til   landstýrismannin í fiskivinnumálum, Høgna Hoydal   Víðvíkjandi fiskivinnunýskipanini   Kann landsstýrismaðurin upplýsa, um útrokningarnar hjá M/S Ågot eru rættar?   Metir landsstýrismaðurin, at hetta er nøktandi fyri hetta reiðaríið, ið hevur verið virkið í føroyska samfelagnum síðani 1993?   Viðmerkingar   Nógvir spurningar eru, tá um nýggja fiskivinnuuppskotið ræður. Fleiri vita ikki, hvat vendir upp og hvat vendir niður. Saman við at tað fleiri ferðir er komið fram, at verður uppskotið um nýggja fiskivinnuskipan samtykt, er stórur vandi fyri, at hundraðtals arbeiðspláss í Norðurøkinum fara at hvørva um heilt stutta tíð. Bara fyri at taka eitt dømið úr rúgvuni verður spurt um, hvat kvoturnar fara at verða 1. januar 2018 eftir nýggja fiskivinnuuppskotinum.   Í sambandi við at stórur partur av vinnuni er ørkymlaður í hesum døgum, hevur reiðarin á línu- & garnaskipinum Ågot lagt fram almenn tøl, ið lýsa kvotugrundarlagið hjá skipinum Ågot. Reiðarin upplýsir, at sambært uppskotinum, sum fyriliggur, kemur árliga grundarlagið hjá M/S Ågot at ljóða soleiðis: 1) Tosk 84 tons í føroyskum sjógvi 2) Hýsa 35 tons í føroyskum sjógvi 3) Svartkalvi við gørnum 213 tons 4) Flemish Kap 97 tons 5) Ísland 0 tons og 6) Grønland 0 tons.   Sambært reiðaranum so eru tað hesi fiskasløg, ið eru høvuðsfiskasløg hjá línuskipunum, meðan onnur fiskasløg eru alternativ, tá toska- og hýsufiskiskapurin svíkja. Ågot kemur at eiga lut í longu- og brosmukvotuni, men hetta er ein alternativ veiða, nú toska- og hýsustovnarnir av náttúrugivnum orsøkum hava verið søguliga illa fyri.   Reiðaríið metir seg hava fylgt ráðgevingini hjá Havstovuni, og hevur millum annað flutt seg á djúpari vatn at fiska. Men reiðaríið verður nú revsað, tí skipið hevur fiska minni av toski og hýsu magisku árini 2007-2016, ið er grundarlagið fyri nýggja roknistykkinum.   Reiðaríið hevur bíðað í spenningi, til toska- og hýsufiskiskapurin skuldi taka seg uppaftur, tí tað eru hesi fiskasløg, ið geva betri úrslit til rakstur og manning.   Ågot er eitt kombinerað skip, og eru tað eisini ár, ið hetta skip roynir við gørnum. Um hesin fiskiskapur skal loysa seg fyri skip og manning, so er minstakrav ein árlig kvota á áleið 500 tons. Sum uppskotið fyriliggur, hevur Ågot nú 213 tons av svartkalva við gørnum at liva fyri árliga. Hetta ger tað torført og vónleyst at rigga um millum línu og gørn. Umrigging er kostnaðarmikil og krevur tí munandi størri kvotu enn 200 tons.   Sambært reiðaranum so hevur M/S Ågot eftir fiskivinnuuppskotinum onga kvotu í Íslandi, og onga kvotu í Grønlandi. Ågot hevur roynt seg á Flemish Kap, og hevur hetta verið eitt gott íkast til skip og manning, og samfelagið alt. Ågot fiskaði í ár 310 tons á Flemish Kap. Men eftir nýggja uppskotinum verður kvotan hjá Ågot lækkað niður á 97, sum samsvarar við gott hálva last hjá Ågot. Hetta ger tað fíggjarliga óforsvarligt hjá reiðarínum at taka lut í fiskiskapinum á Flemish Kap.   Soleiðis sum driftin hjá hesum skipið er samanskrúvað, so stendur lítla reiðaríið í Klaksvík eftir við einari kvotu, ið, sæð út frá fíggjarliga sjónarhorninum, onga meining gevur. Reiðaríið hevur ongan møguleika at yvirliva. Ikki nokk við tí, so hevur hetta reiðaríið, eins og hini línuskipini, ongan møguleika at keypa kvotu á uppboðssølu.   Sambært nýggja uppskotinum verður eingin toskur seldur á uppboðssølu, fyrr enn TAC kemur upp um 10.000 tons, og sum uppskotið leggur upp til, so verður TAC 7.500 tons, tá fiskivinnunýskipanin kemur í gildi. Eingin veit, nær TAC fer upp um 10.000 tons, og tí eru eingi útlit hjá hesum reiðaríi, at sleppa fram at tilfeinginum.   Á Løgtingi, 21. mars 2017   Elsebeth Mercedis Gunnleygsdóttur


Spurningur um akfør

Munnligur fyrispurningurfrá Kára P. Højgaard, løgtingsmanni til Hendrik Old landstýrismann í samferðslumálum.   Um innlit viðvíkjandi akførum   Spurningar   Kann landstýrismaðurin upplýsa, hví tað ikki ber til í Føroyum eins og í grannalondum okkara, at fáa allar upplýsingar á netinum um eitt akfar, við at upplýsa skrásetingarnummarið.   Nær fer landstýrismaðurin at taka stig til, at føroyskir bileigarar og onnur áhugaði fáa atgongd til hesa tænastu.   Viðmerkingar   Í Danmark er gjørligt at fáa kunning um øll donsk akfør á www.nummerplade.net   Í Føroyum er tað bert bilasølan, ið umboðar ávísa slagi av bilum, sum við skrásetingarnummarinum hevur atgongd til allar upplýsingar um akfarið.   Skal bileigari keypa eykalutir her heima ella uttanlands, er tað nógv truplari og møguleikin fyri feilkeypi størri, enn um øll vitanin um akfarið lá á alnótini, við atgongd gjøgnum skrásetingina.   Spurningurin bleiv svaraður 19. februar 2015 av Jóhan Dahl, táverandi landstýrismanni við málsøkinum. Hann upplýsti, at tað var onki sum forðaði fyri at fáa upplýst skrokknummar á bilinum, við at upplýsa skrásetingarnummarið, sum bilurin hevur.   Segði seg hava tikið stig til, at føroyskar bilasølur, bilverkstøð, eykalutaumboð o.l. kunnu fáa upplýsingar um skrokknummar á bilinum, við at upplýsa skrásetingarnummar og á tann hátt fáa atgongd til teknisku viðurskiftini viðvíkjandi bilinum.   Mær kunnugt er einki hent í málinum, tí verður spurningurin endurtikin.   Vinarliga.   Kári P. Højgaard, tingmaður


Veiðuloyvi fella burtur, so veiðutjóðar fáa møguleikan.

Hoyrings-skrivið, sum samgongan leggur upp til, hevur millum annað tað í sær, at nú skulu veiðuloyvir falla burtur.   Havandi í huga, at Fiskimálaráðið als ikki klárar at umsita tey veiðuloyvi í nú eru, kunnu vit bara vænta uppaftur størri órógv í fiskivinnuni.   Sum er, vera hvørki kunngerðir og lógir viðgjørdar til tíðina. Tað hevur verið ein afturvendandi trupulleiki, at Fiskimálaráðið haltar langt aftaná. Hetta viðførir, at skip mangan ikki sleppa at fiska, tá ið tað loysir seg best fyri tey.   Tá veiðuloyvi fella burtur, so verður eitt fiskiloyvi latið í staðin, til ein og hvønn sum hevur hug at bjóða seg fram. Har kunnu fólk uttan førleikar bjóða uppá tað, sum stórur partur av verkamannafjøldini skal liva av. Har ímillum veiðutjóðar. Hetta ger eisini, at verkamannafjøldin er sera stúrin um sína framtíð.   Tá so stór óvissa er í tilmælinum, sum liggur á borðinum, verður mælt til, at tað undir ongum umstøðum verður lagt fram.     Jan Højgaard   Føroya Fiskimannafelag


SMS Kapping
row6_18

Ongin vinningur skrásettur í løtuni

Sølulysingar



Onnur tíðindi

1 2 3 4 5 6 7 8 9 10 11 12 13
Sí fleiri

Vinnan

1 2 3 4 5 6 7 8
Sí fleiri

Politikkur

1 2 3 4 5 6 7
Sí fleiri