Nýggjastu greinar
Viðkomandi greinar
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo




Alternativt uppskot: Rullandi skipan við tilfeingisskatti





Mortan G. Berjastein, nevndarlimur í Føroya Fiskimannafelag, hevur saman við Sólfinni Hansen gjørt eitt alternativt uppskot til fiskivinnunýskipan. Loyvini skulu ikki sigast upp, men kvoturnar ásetast av nýggjum, og tilfeingisskattur skal vera á allari veiðu og virðisøking.

Ógreiðar útmeldingar og ruðuleiki eyðkennir almenna orðaskiftið og tað, sum politiska skipanin borðreiðir við í sambandi við, at vit skulu hava eina nýggja fiskivinnuskipan á nýggjárinum. Men okkara nýggja uppskot er so sera einfalt, at hvørt smábarn skilur tað, og afturat er tað bæði meira rættvíst og tryggjar stabilitet í vinnuni.

Tað sigur Mortan G. Berjastein, sum saman við Sólfinni Hansen á Kambsdali hevur gjørt eitt alternativt uppskot til nýskipanaruppskotið, sum samgongan júst hevur sent til hoyringar.



Mortan G. Berjastein hevur leingi talað fyri, at tilfeingisskattur ikki bert skal roknast í veiðuliðnum, men eisini av allari framleiðsluni og endaligu søluni til kundan. Afturfyri eigur partafelagsskatturin á fiskivinnuna at strikast, heldur hann.

Alternativa uppskotið byggir á eina rullandi skipan – eina grandfathering-skipan – har verandi loyvi kunnu halda fram, men sjálvar kvoturnar verða uppsagdar og ásettar av nýggjum. Nýggj loyvi skulu seljast á uppboðssølu, og allur veiddur fiskur skal seljast um uppboðssølu.

Í staðin fyri tilfeingisgjøld verður í alternativa uppskotinum mælt til, at ein tilfeingisskattur verður ásettur á til dømis 10 prosent av søluvirðinum, tá landað verður, síðani aftur á virðisøktu vøruna og at enda eisini á lidnu vøruna, tá hon verður seld.

Skipanin er sera einføld og rúmast á átta PowerPoint framløgumyndum, ið kunnu takast niður sum pdf á leinkinum her niðanfyri greinina.

http://www.fiskimannafelag.fo/sites/default/files//Fiskivinnuny%CC%81skipan%20Mortan%20G.%20Berjastein-So%CC%81lfinn%20Hansen.pdf

© Sandportal - Sandoyarportalurin
Mest lisið