Ein persónur handtikin afturat í Svøríki

24/04/2017
Lastbilaálopið í gongugøtuni herfyri hevur leitt politiið til at taka ein mann afturat, tí hesin er undir sterkum illgruna at hava verið við at lagt morðið í svensku gongugøtuni til rættis.   Sum øllum kunnugt varð ein lastbilur rændur og brúktur av terroristi at koyri inn á gongugøtuna og drepa fólk við.   Mangt bendir á at fleiri eru um hesa ræðuligu hendingina.

Flaggdagshald á Sandi

24/04/2017
Á Sanid verður eisini falggdagshald hildið á Mørkini Miklu kl. 17. Hanus Johannesen heldur flaggrøðuna   Hanus kenna vit frá filmin Ramblers, sum enntá var í uppskoti at fáa virðisløn og filmurin meini eg var frumframførdur á fjósaloftinum í Miðstovuni. Hanus er eisini ein dyggur stuðul hjá Sandoyar Ítróttarfelag har hann ger eitt framúr gott arbeiði.   Aftaná at røðan er hildin verður boðið inn á gólvið á kommununi til góðan kaffimunn og okkurt gott afturvið.

Leys Størv
Hugrák
Onki hugrák er tøkt í løtuni.

Gás
Dunna
Fleskjasteik
Ræst
Annað

Skraset Vís úrslit


Ras 2

Lindin

Útvarp

Sjónvarp

Tingvarp





Billett.fo
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo

Flaggdagshald í Havn

Týsdagin 25. apríl skipar Havnar Hornorkestur fyri flaggdagshaldi á Vaglinum í Havn.   Skrúðgongan byrjar kl. 15, har Havnar Hornorkestur og skótarnir í Havn marsjera. Gingið verður úr Kommunuskúlagarðinum oman á Vaglið. Í ár verður tað Eydna Skaale, ið fer at halda flaggdagsrøðuna.   Hendan hátíðardag verður Merkið vundið á stong, og vit minnast, at Merkið tann 25. apríl 1940 varð viðurkent sum tjóðarmerki føroyinga. Siðvenjan við Flaggdagshaldið á Vaglinum hevur verið fastur táttur á hvørjum ári síðani 1947. Tað er sostatt 70 ár síðani at Flaggdagshaldið, í sínum núverandi formi, bleiv hildið fyrstu ferð.   Havnar Hornorkestur varð stovnað 13. februar 1903 og er tískil eitt av elstu tónleikafeløgum í Føroyum. Síðan 2003 hevur orkestrið dagliga húsast í Íshúsinum aftanfyri Reinsaríið og við síðuna av Perluni í Tórsgøtu í Tórshavn.   Næsta stóra tiltakið, ið Havnar Hornorkestur luttekur í, verður fríggjadagin 12. mai, tá ið árliga Musikkstevnan verður hildin í skúlanum í Sørvági.     Vinaliga vegna, Havnar Hornorkestur


Betri best í ríkinum

Danska vinnulívsblaðið Børsen hevur í dag kunngjørt árliga yvirlitið yvir tryggastu bankarnar í danska kongaríkinum.   Úrslitið av váðametingini hjá blaðnum og óhefta granskingarstovninum Bankresearch vísir, at Betri Banki er tryggasti bankin í kongaríkinum.   - Hårdt og ærligt bankarbejde har løftet færøske Betri Banki – tidligere Eik Bank – op som landets mest solide bank, skrivar Børsen í dag.   Betri Banki deilir fyrsta plássið við Borbjerg Sparekasse.   Súni Schwartz Jacobsen, forstjóri í Betri Banka, fegnast um góða úrslitið og sigur:   - Úrslitið vísir, at tað hevur verið rætt hjá okkum at hugsavna okkum um kjarnuvirksemið í bankanum og miðvíst seta kundan í miðdepilin. Vit hava í dag ein sera tryggan og góðan banka, sum allir føroyingar kunnu vera ernir av, og sum kundin kann kenna seg tryggan í.   Tíðindaskriv frá Betri Banka


Aftur nógvir lottopengar í Sandoynna

Í vikuskiftinum vann ein heppin vinnari 967.089 krónur í Eurojackpot. Vinnarin hevði keypt seðil sín í Effo støðini á Sandi, skrivar Danske Spil.     Tveir aðrir stórvinnarar vóru í Danmark um vikuskiftið. Ein heppin spælari í Næstved vann sjey milliónir krónur og ein í Fjelstrup vann eina millión.     Danske Spil hevur ikki hoyrt frá vinnarunum, sum vunnu peningin um vikuskiftið.     Av tí at ongin vann fyrstu puljuna í Eurojackpot hetta vikuskiftið, so er vinningurin nú 101 milliónir krónur, skrivar Danske Spil   Kelda: in.fo


Brekkan Stóra hevur hálkuávaring

Á Brekkuni Stóru verður ávarað um hálku. Hann er útnyrðingur vestan og 1 hitasig, men væntast kann at tað í kvøld fer at frysta. Bilførarar eiga at ansa sær í ferðsluni.   Seinni í vikuni verður lýkkjari aftur.


Sigla til Skúvoyar uttan skipara á brúnni?

Flestu vanlukkurnar á sjógvi, á landi ella í luftini henda, tí menniskju gera mistøk:   Vit hyggja okkum ikki nóg væl um; vit meta skeivt; vit halda ikki avmarkingarnar í ferðini, og vit leggja lítið í mannagongdir ið hava við trygdina at gera.   (Skrivað. Snorri Brend)   Fyri at sleppa undan øllum hesum mongu vanlukkunum verður í dag arbeitt við at menna flutningshættir, sum kunnu flyta skip, bilar og flogfør, uttan at menniskju eru blandaði uppí.   Í Danmark verður í øllum førum sæð við spenningi og vælvild fram móti tí degi, tá ein slík skipan kann gerast veruleiki á sjónum. Ein slík skipan er longu virkin í metro'ini, sum koyrir í Keypmannahavn, og tykist rigga væl har.   Í 2015 gjøgnumførdi Google tann fyrsta fullkomuliga mannleysa koyritúrin við einum bili í vanligari ferðslu. Nú stendur so siglingin milum oyggjarnar í donskum farvatni fyri tørni.   Í eini sending í Danmarks Radio í vikuni, nevnd Videnskabens Verden, varð sagt, at hesin nýggi hátturin at stýra slíkum mannleysum skipum, er serliga væl egnaður til tær smærru oyggjarnar har.   - Hetta fer eisini at økja um trygdina á sjónum, sigur Mogens Blanke, professari á Danmarks Tekniske Universitet, stytt DTU Elektro í sendingini.   Og hvør veit, – fer henda skipanin at rigga í donskum farvatni, hví kann hon so ikki eisini rigga í sigling innanoyggja her hjá okkum. Ein tanki – og eitt gott dømi - kundi verið siglingin millum Sand og Skúvoy.     TRYGDIN Í HÁSÆTI   Í sendingini á DR varð sligið fast, at tað sjálvandi ikki er neyðugt við slíkum føraraleysum ferjum. Men tað kann vera til fyrimuns fyri skipaferðsluna og trygdina á sjónum:   Slíkar mannleysar ferjur verða ikki troyttar ella óansnar, hóast tær hava verið á vakt í 24 tímar út í eitt. Aftanfyri tøknina og skipanina sita sjálvandi fólk, ið hava eftirlit við at alt fer rætt fram – men umborð á ferjuni verður ikki neyðugt við fólki á brúnni.   Í sendingini var víst á, at ein slík skipan er til fyrimuns fyri fólk á smærri oyggjunum, tá illa vildi til, og ongin tyrla er tøk til sjúkraflutning. Tá kann ein slík ferja leggja frá landi og verða á staðnum, dag og nátt 24/7, til ásettu tíð.   Enn er alt hetta bert á tekniborði, men tað fer neyvan at ganga long tíð til tann fyrsta mannleysa ferjan verður bygd og royndarsiglt í donskum farvatni.   - Og so hava vit als ikki tosað um trygdina. Hon fer at batna betýðiligt, sigur Mogens Blanke, professari á DTU Elektro.   Spennandi verður at fylgja menningini av hesi ótrúligu tøknini – og sum kanska eisini kann setast í verk í Føroyum – enntá eisini um Skúvoyarfjørð!     Myndatekstur:   Sildberin í sigling – kanska kann ein nýggjur Sildberi røkja siglingina til Skúvoyar uttan nakað fólk á brúnni (Mynd: ssl.fo)


Bogi og Magni vunnu FM í bridge

Bogi Simonsen og Magni Jøkladal vunnu FM í bridge fyri pør. Kappingin var spæld í Bridgehúsinum leygardagin. Í alt vóru spæld 78 spøl frá kl. 10 fyrrapart til kl. 20.30 um kvøldið. Eftir 30 spøl løgdu Bogi og Magni seg á odda og lógu á fyrsta plássi restina av kappingini. Nummar tvey gjørdust Balle Mohr og Árni M. Dam og nummar 3 Arne Mikkelsen og Símun Lassaberg.   FM pør var seinasta kapping í Føroyum í hesum bridgeárinum, men 20. mai skulu 16 bridgespælarar verða við í íslendsku landspartakappingini Kjørdæmamót.     Myndatekstur:   Føroyarmeistarar í bridge fyri pør: Bogi Simonsen og Arne Mikkelsen   Nr. 2: Balle Mohr og Árni M. Dam   Nr. 3: Símun Lassaberg og Arne Mikkelse


SMS Kapping
row6_18

Ongin vinningur skrásettur í løtuni

Sølulýsingar



Onnur tíðindi

1 2 3 4 5 6 7 8 9 10 11 12 13
Sí fleiri

Vinnan

1 2 3 4 5 6 7 8
Sí fleiri

Politikkur

1 2 3 4 5 6 7
Sí fleiri