Suðuroyingar aftur á fyrsta plássi

24/04/2017
So var nýggja felagsliðið í Suðuroynni aftur á odda í fremstu deildini hjá monnum. Suðringar hava verið flúgvandi higartil í ár, og gjørdu eitt veruligt comeback í dystinum móti B36 við Stórá í dag og vunnu 3-2 eftir at hava veirð aftanfyri 2-0.   Víkingur megnaði bara at fáa eitt stig á heimavølli í dag móti KÍ, og dettur tí á annað pláss.     TB/FCS/Royn - B36 (3-2)   Patrik Johannesen 0-1   Patrik Johannesen 0-2   Jón Krosslá Poulsen 1-2   Jón Krosslá Poulsen 2-2 brotsspark   Poul Ingason 3-2   Víkingur - KÍ (2-2)   Sjálvmál 0-1   Fróði Benjaminsen 1-1   Atli Danielsen 1-2   Adeshina Lawal 2-2   NSÍ - HB (1-0)   Klæmint A. Olsen 1-0   EB/Streymur - 07 Vestur (0-2)   Ken Fagerberg 0-1   Jákup S. Olsen 0-2   Skála - ÍF (0-0) í gjár     Støðan eftir fimm umfør   1. TB/FCS/Royn (12 stig)   2. Víkingur (11 stig)   3. KÍ (7 stig)   4. HB (6 stig)   5. NSÍ (6 stig)   6. 07 Vestur (6 stig)   7. ÍF (5 stig)   8. B36 (4 stig)   9. EB/Streymur (4 stig)   10. Skála (3 stig)   Kelda: portal.fo

Macron og Le Pen hava vunnu fyrsta umfar

24/04/2017
Valið í Fraklandi:  Alt bendir á, at tað verða Emmanuel Macron og Marine Le Pen sum fingu mest av atkvøðunum á valinum í gjár og fara sostatt til seinasta umfar, sum verður hildið 7.mei.   Meiri um franska valið - sí dr.dk

Leys Størv
Hugrák
Onki hugrák er tøkt í løtuni.

Gás
Dunna
Fleskjasteik
Ræst
Annað

Skraset Vís úrslit


Ras 2

Lindin

Útvarp

Sjónvarp

Tingvarp





Billett.fo
Tekstlýsingar

Billett.fo

Billett.fo ger tað lættari fyri teg og tínir kundar. Sel tínar billettir online við billett.fo. www.billett.fo  

Heimasíður frá Appnet

Nemt og skjótt Massar av hentleikum Tú kan rætta tekstin meðan tú sær hann. Heimasíður frá Apppnet www.appnet.fo

Brotin vallyftir eyðkenna eisini franska valið sunnudagin

Í morgin, sunnudagin 23.apríl er val í Fraklandi og sambært teirri seinastu veljarakanning liggur tætt millum tey fýra, Emmanuel Marcron, Marine Le Pen, Francois Fillon og Jean Luc Mélenchon. Myndin er av Marine Le Pen, sum hevur ligið væl fyri, men er eitt sindur dragna.   Men franski veljarin hevur lítið álit á politisku skipanina, tí so mong vallyftir eru brotin og tí er torført at velja hesiferð, men ikki sørt spennandi kortini. Verandi forseti hevur runnið seg í nógvar gølur og búskaparliga er landið ikki væl fyri.   47 mió. fransmenn hava valrætt


Sandoyar Javnaðarfelag aðalfund í Skálavík

Sandoyar Sýslu Javnaðarfelag fer týsdagin 2.mai at halda aðalfund á Keldu í Skálavík. Felagið fær vitjan av løgmanni og tingmanni, Jónleif Johannesen. Tað er onki at ivast í at hetta verður ein rættiliga spennandi fundur nú tað brennur á at fáa eina fiskivinnunýskipan og eina nýggja almennalóggávu har man fer at hækka pensjónsaldurin úr teimum 67 árum nú øll gerast nógv ár eldri enn fyri bara 25 árum síðan, tunnil um Skopunarfjørð og tunlar út á smáu plássini.   Fundurin í Skálavík verður kl. 19 og nýggir limir eru vælkomnir upplýsir felagið


Danskur bólkur fer at framførir Shadows-løg á Reinsarínum

Fríggjakvøldið 28. apríl kemur danski bólkurin ”Touch of Shadows” at framføra í reinsarínum.   Touch of Shadows er ein danskur bólkur, ið endurgevur allar tær kendu slagararnir hjá The Shadows gjøgnum árini. Millum hesar eru landaplágan ”Apache”, og aðrir sangir, ið The Shadows framførdi saman við Cliff Richard.   Touch of Shadows er samansett av 5 monnum í besta aldri. Allir hava teir drúgvar royndir innan tónleik, og hava teir funnið saman til Touch of Shadows orsakað av teirra felags kærleika til The Shadows.   Kemur tú við til framførsluna hjá Touch of Shadows ert tú tryggaður eitt kvøld, har tú hevur møguleika at syngja við á fleiri sangum. Sangirnir verða spældir við virðing og kærleika fyri uppruna bólkinum, og við stórari spæligleði frá danska bólkinum.   The Shadows var ein enskur instrumentalbólkur, ið var kendur í 1960’unum. Bólkurin var mest kendur fyri at vera ”skuggin” hjá Cliff Richard – hagani navnið kemur. Bólkurin breyt tó verðuliga ígjøgnum við fløguni The Shadows, ið leingi lá fremst á topplistunum kring heimin. Hendan fløgan gjørdist gjøgnumbrotið, og lógu teir millum fremstu fløgurnar næstu 10 árini.   Touch of Shadows er samansettur av Marius Knudsen – lead guitar, Ole Nørskov – bass, Lars Bruhn – guitar, Jan Locht – trummur & Anthony Bjerregaard – sang.   https://www.youtube.com/watch?v=G8oYMv-YR6k


Seinasta freist Visit Sandoy

Í dag er seinasta freist at søkja starv á Sandoyar Kunningarstovu, men hetta er eitt tíðaravmarkað starv - helst gott arbeiði til ein lesandi.   Tað er ein fyrimunur hjá tí sum søkir at hava royndir í ferðavinnuni og annars duga væl mál.   Sí annars starvslýsing her á portalinum


Nýggir nevndarlimir valdir í Betri

Ársaðalfundir hava í dag verið í Ognarfelag Tryggingartakaranna og restini av Betri samtakinum. Fleiri nýggir limir vórðu valdir í nevndirnar í samtakinum. Nýggjur grannskoðari varð samstundis valdur.   Ognarfelag Tryggingartakaranna   Tríggir nevndarlimir skuldu veljast til nevndina í Ognarfelag Tryggingartakaranna á aðalfundinum í dag. Nevndin í Ognarfelag Tryggingartakaranna mannar eisini nevndina í Betri P/F, sum er móðurfelag hjá Betri Banka, Betri Trygging, Betri Pensjón og Betri Heim.   Umboðsráðið valdi at seta Teitur Poulsen, Gunn Danielsen, meðan Arni D. Brattaberg varð afturvaldur. Karl Birgir Isaksen, Birgir Nielsen og Annika Waag stóðu ikki fyri vali.   Nevndin hevur skipað seg við Birgir Nielsen, sum formanni og Teiti Poulsen sum næstformanni.   Nýggjur grannskoðari valdur   Fyrr í ár varð grannskoðanarvirksemið hjá Betri samtakinum bjóðað út av nýggjum. Allar føroyskar fyritøkur, ið eru førar fyri at loysa hesa stóru uppgávuna, fingu møguleika at bjóða uppá uppgávuna. Grannskoðaravirkini Januar saman við PWC og Numo saman við   Deloitte tóku av møguleikanum.   Av innkomnu tilboðunum valdi nevndin at innstilla P/F Januar í Tórshavn og PWC í Danmark.   Aðalfundurin atkvøddi fyri. Sostatt fara Januar og PWC at samstarva um alla uttanhýsis grannskoðanina av Betri samtakinum.   Aðalfundir í dóttirfeløgunum   Eisini vórðu hildnir aðalfundir í Betri P/F, Betri Banka, Betri Trygging, Betri Pensjón og Betri Heim í dag.   Í Betri Banka vórðu tveir nýggir nevndarlimir valdir. Tey eru Bjørn Mortensen og Janet Fríða Johannesen. Bjørn Mortensen er fyrrverandi stjóri í Nykredit Bank, og Janet Fríða Johannesen er fyrrverandi stjóri og núverandi ráðgevi í Atlanticon.   Nevndin í Betri Pensjón fekk eisini ein nýggjan nevndarlim á aðalfundinum í dag. Talan er um fyrrverandi stjóran í felagnum, Mortan Poulsen, sum í dag røkir annað starv í samtakinum.   Samlað yvirlit yvir allar nevndarlimir hjá Betri samtakinum eru at finna á betri.fo.   Betri p/f   Tórshavn, 21. apríl 2017


Betri letur 5 mió. kr. til stuðulsvirksemi

Tíðindaskriv   Á ársaðalfundinum hjá Ognarfelag Tryggingartakaranna, varð avgjørt at lata 5 mió. kr. av ársúrslitinum hjá Betri samtakinum í fjør til at byrja virksemið hjá nýggja stuðulsgrunninum Betri Stuðul. Til ber nú at søkja grunnin um stuðul til virksemi ella størri verkætlanir, ið m.a. eru skaðafyribyrgjandi, tryggleikaskapandi og samfelagsgagnligar, umframt at Betri Stuðul sjálvt fer at virka sum stigtakari til virksemi, ið er við til at gera lívið og samfelagið enn betri hjá føroyingum.   Endamálið hjá Betri Stuðli er at skapa tryggleika umvegis stuðul, undantikið rakstrarstuðul, til virksemi, ið gagnar tryggingartakarum, millum annað virksemi, ið er: skaðafyribyrgjandi, sjúkufyribyrgjandi og tryggleikaskapandi. Stuðul kann eisini latast til annað samfelagsgagnligt virksemi, m. a. til list, gransking og mentanarlig átøk.   Í nevndini fyri Betri Stuðul sita Árni D. Brattaberg (formaður), Annika Waag, Jákup Egholm Hansen og Frankie Jensen. Betri Stuðul er ikki ein sjálvstøðug løgfrøðilig eind, men partur av virkseminum hjá Ognarfelag Tryggingartakaranna. Komandi stuðulsupphæddin til Betri Stuðul verður árliga ásett av nevndini í Ognarfelag Tryggingartakaranna í sambandi við støðutakan til afturbering.   Nevndin í Betri Stuðli hittist í minsta lagi 2 ferðir um árið, har nevndin tekur støðu til innkomnar umsóknir um stuðul. Marknaðardeildin hjá Betri P/F umsitur dagliga virksemið hjá Betri Stuðli.   Til ber nú at søkja um stuðul til virksemi, ið fylgir ásettum treytum hjá stuðulsgrunninum. Hetta kann gerast umvegis heimasíðuna: betri.fo ella teldupost: studul@betri.fo


SMS Kapping
row6_18

Ongin vinningur skrásettur í løtuni

Sølulýsingar



Onnur tíðindi

1 2 3 4 5 6 7 8 9 10 11 12 13
Sí fleiri

Vinnan

1 2 3 4 5 6 7 8
Sí fleiri

Politikkur

1 2 3 4 5 6 7
Sí fleiri